Heart and soul behind the camera…

Category Archives: Literary – Tagalog

Screen Shot 2014-07-18 at 12.23.18 PM

Sa Lapag, Aking Alumihit

sa panulat ni Michelle Samson

Pusong nabagabag, pagsamo’y habag.
Mali ko’y madalas, pagsisi’y dinanas
Samu’t saring dahas, kailan magwawakas?
Tinig ko ma’y basag, Ika’y yaring kalasag.
Tulungang sumalag sa mga paglabag
Utos Mo ang batas dahil Ika’y patas
Pag-ibig Mong wagas, pinakamataas
Ako’y nasa lapag, hanap ay liwanag.

At sa lahat-lahat, maraming salamat!
Luha’y di maimpit kahit nakapikit
Labi’y aking kagat – pagsubok, di salat.
Pag-ibig Mo’y higit sa’king alumpihit
Ang awa Mo’y sapat upang maging dapat
“Hawakang mahigpit…” aking alumihit.


This Petrarchan sonnet is originally written on my old blog on January 2011.
The photo is credited to Google.

Gatas at pulot,
Bubukal sa malinis
Nating lupain.

-Michelle Samson

 

 


This Haiku is originally written on my old blog on January 2011.
(Featured image is credited to http://www.organicfacts.net/wp-content/uploads/2013/05/Milkhoney.jpg)

1_litre_of_tears_by_dsngiap

Dahil sa kabila ng mga hikbi, nagtatago ang matamis na ngiti…

Ang Bakuna sa Sakit

sa panulat ni Mich Samson

Tila nais kong umiwas sa tuwing ika’y lalapit
Sa’yong ipinapamalas, ibig ko na lang pumikit
Ang aking naibulalas, “Ito’y bakuna sa sakit.”

Pilit ko nang iniiwas ang sayo’y maging mabait
Mukha ma’y maaliwalas, may maskarang bitbit
Tila nais kong umiwas sa tuwing ika’y lalapit

Dating mo man ay malakas, hindi ko nais maakit
Kahit ikaw pa’y mag-aklas, puso ko’y hindi kakabit
Ang aking naibulalas, “Ito’y bakuna sa sakit.”

Mga labi pa’y may gatas, huwag na munang makulit!
Upang tayo’y makatakas sa damdaming humagupit,
Tila nais kong umiwas sa tuwing ika’y lalapit

Iyo bang natatalastas, baka bukas ay mawaglit?
Oh! Tayo nga’y maging pantas: matamis ngayo’y  mapait
Ang aking naibulalas, “Ito’y bakuna sa sakit.”

Huwag mo sanang mamalas na ako’y  nagmamalupit
Na ayaw kong iparanas, pag-ibig ko kahit saglit…
Tila nais kong umiwas sa tuwing ika’y lalapit
Ang aking naibulalas, “Ito’y bakuna sa sakit.”

*****

This villanelle is originally posted on my old blog on January 30, 2011 when I was inspired by a Japanese drama series, One Liter of Tears, based on a true story of Aya Kito, a Japanese girl who wrote a diary about her personal experiences while suffering from spinocerebellar ataxia.
Photo credits to One Liter of Tears, found on Google.


%d bloggers like this: